Қозоғистон ва Озарбайжон ўртасида темир йўлда юк ташиш ҳажми 3,5 баробар ошди

BAKU. Кazinform - Жорий йилнинг 5 ойи давомида Қозоғистон ва Озарбайжон ўртасидаги темир йўлда юк ташиш ҳажми ўтган йилга нисбатан 3,5 баробар ошди. Бу ҳақда «Қазақстан темір жолы» миллий компаниясининг Бокудаги ваколатхонаси маълум қилди, дея хабар беради Kazinform мухбири.

Шундай қилиб, январ-май ойларида «Қазақстан темір жолы» МК ва «Озарбайжон темир йўли» ЁАЖ (ёпиқ акциядорлик жамияти) ўртасидаги юк ташиш ҳажми 1388,1 минг тоннага етди. Бу ўтган йилнинг шу даврига нисбатан 1088,8 тоннага кўпдир.

Хусусан, Озарбайжонга ғалла жўнатиш ҳажми ошди. Бу 128,3 минг тоннани ташкил этади. Озарбайжон орқали мамлакатга олиб кирилаётган нефть маҳсулотлари ва қора металлар ҳажми 13,5 баробар ошиб, 884,6 минг тоннани ташкил этди. Озарбайжондан ва ушбу мамлакат орқали олиб келинган товарлар орасида кимё ва ош содасига талаб юқори.

Озиқ-овқат ташиш ҳажмининг ўсиши ҳисобига транзит ташиш ҳам 2 фоизга ошиб, 3,1 минг тоннани ташкил этди. Озарбайжон аграр тадқиқотлар маркази маълумотларига кўра, январдан майгача Қозоғистон 49,1 миллион долларлик дон экспорт қилган. Озарбайжон ғалла импортининг 41,1 фоизи Қозоғистон ҳиссасига тўғри келади.

Муаллиф; Серикбол Қошмағанбетов