Қозоғистон ва Қирғизистон ўртасидаги чегара яхши ҳимоя қилинган – депутат

ALMATY. Кazinform – Қирғизистон Ҳукумати чегара бюджетини асосан қирғиз-тожик чегарасига сарфлайди. Бу ҳақда Қозоғистон Парламенти Мажилиси депутати Самат Нуртаза ўзининг Facebookдаги саҳифасида ёзди, деб хабар беради Kazinform мухбири.

Депутатга кўра, Қозоғистон ва Қирғизистон ўртасидаги чегара яхши ҳимоя қилинган.

«Биз қозоқ-қирғиз чегарасининг Жамбил вилояти ва Алмати вилояти туташган энг баланд нуқтасига етиб келдик. Ишончим комилки, Қирғизистон давлати билан чегарамиз яхши ҳимоя қилинган. Баланд панжара, симли темир, баъзи жойларда электр токи бор, кузатув миноралари ҳам оз эмас. Қирғизистон давлати томонидан атрофига бор-йўғи бир кишининг узунлиги бўлган сим тўсиқ бор, холос. Бошқа ҳеч нарса йўқ.

Асосий сабаб: «Қирғизистон Ҳукумати чегара бюджетини қирғиз-тожик чегарасига сарфлайди» деган жавобни олдик. Бу «Биродар қозоқ халқига ишонади»деган гап», - дейди Самат Нуртаза.

Шунингдек, у қозоқ-қирғиз чегарасида Кенесарихон ва унинг қаҳрамонларига бағишланган ёдгорлик тепасида бўлганини ва Қуръон бағишлаганини ёзган.

Муаллиф: Думан Арғингелди