Қозоғистон ва Германия ўртасидаги товар айирбошлаш ҳажми 2,8 миллиард долларга етди
Давлат раҳбари геосиёсий ва иқтисодий қийинчиликларга қарамай, ўтган йили Қозоғистон ва Германия ўртасидаги ўзаро товар айирбошлаш ҳажми 25 фоизга ошиб, 2,8 миллиард долларга етганини таъкидлади.
«Бугунги кунда немис компаниялари иқтисодиётимизга 6 миллиард долларга яқин сармоя киритди. Таъкидлаш жоизки, ушбу сармоянинг қарийб 90 фоизи нохом ашё секторига тўғри келади.
Мамлакатда Германия капитали улушига эга 1000 дан ортиқ компания фаол ишламоқда. Уларнинг аксарияти жаҳонга машҳур брендлар бўлса, қолганлари ўрта оилавий бизнеслар. Барча немис компанияларини Қозоғистонга таклиф этамиз. Биз немис бизнесининг жасорат, аниқлик ва масъулиятга асосланган ёндашувини қадрлаймиз. Бу фазилатлар бизнес муваффақияти учун жуда муҳим», – деди Қасим-Жомарт Тоқаев.
Шунингдек, Давлат раҳбари Қозоғистон Германия ва ҳаттоки барча Европа мамлакатлари саноати учун зарур бўлган табиий ресурсларни ўзлаштиришда ишончли ҳамкор бўлишга тайёрлигини таъкидлади.
«Бугун эрталаб жаноб Штайнмайер билан бўлиб ўтган учрашувда биз биргаликда табиий ресурсларни қидириш ва эксплуатация қилиш бўйича ҳамкорлигимизни мустаҳкамлашга келишиб олдик. Бу хомашё, саноат ва технология соҳаларида ҳамкорлик тўғрисидаги ҳукуматлараро келишувга янги суръат бағишлайди», – деди Президент.
