Қозоғистон ва Франция ўртасида юридик ёрдам кўрсатиш тартиби белгиланди

ASTANA. Kazinform – ҚР Парламенти Мажилисининг ялпи мажлисида «Қозоғистон ва Франция ўртасида жиноий ишлар бўйича ўзаро ҳуқуқий ёрдам тўғрисидаги битимни ратификация қилиш тўғрисида»ги қонун қабул қилинди, деб хабар бермоқда Kazinform мухбири.

Икки давлат ўртасидаги мазкур Битим жиноят ишлари бўйича ҳуқуқий ёрдам кўрсатиш тартиби, уни рад этиш асослари, тергов-суриштирув ишларини олиб бориш усулларини тартибга солади.

Шу муносабат билан Қозоғистон Республикаси Бош прокурори ўринбосари Асет Шиндалиев қандай ҳолларда бундай шартлар зарурлигини тушунтириб берди.

«Масалан, жиноят иши бўйича гумон қилинувчи, гувоҳ ёки жабрланувчи чет элда яшаётган бўлиши мумкин. Ва улар иш бўйича сўроқ қилиниши керак. Мамлакат ҳуқуқ-тартибот идоралари ўзлари у давлатга бориб, тергов ўтказа олмайди. Бундан ташқари, жиноят ишини тергов қилиш учун зарур бўлган ҳужжатлар, далиллар, жиноят қуроллари ёки бошқа далиллар бошқа давлат ҳудудида жойлашган бўлиши мумкин. Биз ўзимиз бориб уларни ололмаймиз. Шу мақсадда юридик ёрдам кўрсатиш тўғрисида шартномалар тузилади. Бундай шартлар терговнинг тўлиқлигини таъминлаш мақсадида суриштирув юбориш, гувоҳ ёки жабрланувчини сўроқ қилиш, ашёвий далилларни олиб қўйиш имконини беради», — А. Шиндалиев.

Шу муносабат билан унинг айтишича, хорижда тергов фаолияти уларнинг тергов органлари томонидан ўша давлат қонунчилигига мувофиқ амалга оширилади.

«Бундай ҳолатда хориждан олинган далилларнинг қонунийлиги борасида саволлар туғилиши мумкин. Бу масала юридик ёрдам тўғрисидаги шартномада ҳал қилинади. Яъни, бошқа давлатдан олинган далилларнинг қонунийлиги таъминланади», — деди Бош прокурор ўринбосари.

Муаллиф: Руслан Ғаббасов