Қозоғистон ва БАА каратэ федерациялари ўртасида меморандум имзоланди
ASTANA. Kazinform — Фужайра шаҳрида Қозоғистон каратэ федерацияси ва Бирлашган Араб Амирликлари ўртасида ҳамкорлик меморандуми имзоланди.
Қозоғистон каратэ федерацияси матбуот хизмати хабарига кўра, томонлар ўртасидаги учрашувда Қозоғистон каратэ федерацияси вице-президенти Болат Хавлахат, БАА каратэ федерацияси президенти, генерал-майор Нассер Ал-Разуки ва Қозоғистоннинг Дубайдаги бош консули Алмаз Тасболат иштирок этди.
Бироз фикр алмашишдан сўнг Болат Хавлахат ва Осиё каратэ федерацияси вице-президенти Рашид Ал-Али муҳим ҳужжатни имзоладилар.
Шундан сўнг матбуот анжуманида Халқаро каратэ федерацияси вице-президенти, айни вақтда Осиё каратэ федерацияси президенти лавозимини ҳам эгаллаб келаётган Нассер Ал-Разуки сўзга чиқди. У мазкур келишув икки давлатда каратэ спортини янги босқичга кўтаришга замин яратишига ишонч билдирди. Шунингдек, у қозоғистонлик каратэчиларнинг салмоқли ютуқлари ва федерациянинг қизғин ишини қайд этиб, юқори баҳо берди.
Ўз навбатида Болат Хавлахат жаноб Нассер Ал-Разукига “Қозоғистон Республикасида хизмат кўрсатган спорт ходими” кўкрак нишонини топширди.
Турнир доирасида ёшлар ўртасида А туркумига кирувчи мазкур тадбир келгусида терма жамоаларнинг биргаликдаги машғулотларини янада кенгроқ ўтказишига замин яратмоқда.
