Қозоғистон Туркия билан ҳамкорликни мустаҳкамлашда давом этади – ҚР Бош вазири

NUR-SULTAN. Кazinform - Қозоғистон Бош вазири Алихан Смаилов Туркия вице-президенти Фуат Октай билан телефон орқали мулоқот қилди. Бу ҳақда Kazinform primeminister.kzга таяниб.

Туркия вице-президенти Ф. Оқтай А. Смаиловни Қозоғистон Республикаси Бош вазири лавозимига тайинлангани билан табриклади.

Ф. Октай январ фожиаси қурбонларининг яқинларига ҳамдардлик билдирди ва Туркия Қозоғистонга керакли ёрдамни беришга тайёр эканлигини қайд этди.

«Туркия Республикаси Қозоғистоннинг ишончли ва стратегик ҳамкоридир. Қозоғистон Ҳукумати Туркия билан ҳамкорликнинг барча соҳаларида ҳамкорликни мустаҳкамлашда давом этади», - деди А. Смаилов.

Туркия Қозоғистоннинг муҳим савдо-иқтисодий ҳамкоридир. 2021-йилнинг 11 ойи якунлари бўйича ўзаро товар айирбошлаш ҳажми 3,74 миллиард долларни ташкил этди. Бу 2020 йилнинг мос даврига нисбатан 32 фоизга кўп ва 2019 йилдаги пандемиядан олдинги даражадан сезиларли даражада ошади. ҚР Мустақиллик йилларида Туркия Қозоғистон иқтисодиётига қарийб 5 миллиард доллар сармоя киритган, Қозоғистоннинг Туркияга киритган сармояси эса 1,1 миллиард долларни ташкил этган.

Бу йил Қозоғистон ва Туркия ўртасида дипломатик муносабатлар ўрнатилганига 30 йил тўлади.