Қозоғистон терма жамоаси кимё бўйича халқаро олимпиадада тўртта медални қўлга киритди

XIVA. Kazinform - Ўзбекистон Республикасининг Хива шаҳрида Абу Райхон ал-Беруний номидаги халқаро кимё олимпиадаси якунланди. Унда дунёнинг уч қитъасининг 16 давлатидан 130 нафар ёш олим иштирок этди, дея хабар беради Kazinform Қозоғистон Республикаси таълим вазирлигига таяниб.

Қозоғистон терма жамоасига жорий ўқув йилида кимё бўйича мактаб ўқувчилари ўртасида ўтказилган халқаро Менделеев олимпиадасининг тўрт нафар ғолиби кирди.

Мамлакатнинг барча тўрт нафар вакили совринларни қўлга киритди:

Молдағулов Адилжан – Манғистау вилояти «Билим-инновация» лицей-интернатининг 10-синф ўқувчиси;

Қоршибек Диас – Жамбил вилояти «Билим-инновация» иқтидорли ўғил болалар лицей-интернатининг 10-синф ўқувчиси;

Смет Алихан - Астана шаҳридаги «Билим-инновация» иқтидорли ўғил болалар учун лицей-интернатининг 11-синф ўқувчиси;

Имаш Инсар - Алмати шаҳридаги 11-Haileybury Almaty мактаби ўқувчиси.

Қайд этиш жоизки, бу Абу Райҳон ал-Беруний номидаги кимё фанидан биринчи халқаро олимпиададир. Олимпиада икки босқичда ўтказилиб, унда иштирокчиларнинг билим ва салоҳияти ёзма ва амалий лаборатория ишлари орқали баҳоланди.