Қозоғистон терма жамоаси бокс бўйича Осиё чемпионатида қайси ўринни эгаллади

ASTANA. Kazinform - Таиланднинг Чиангмай шаҳрида бокс бўйича ўтказилган Осиё чемпионатида Қозоғистон терма жамоаси умумий медаллар жадвалида қайси ўринни эгаллагани маълум бўлди.

Қозоғистон эркаклар терма жамоаси 4 та олтин, 5 та кумуш, 1 та бронза, жами 10 та медални қўлга киритди.

Хусусан, Маҳмуд Сабирхан (54 кг), Бекзат Нурдаулетов (86 кг), Сағиниқ Тоғамбай (92 кг) ва Айбек Оралбай (+92 кг) олтинларни қўлга киритди.

Қозоғистон аёллар терма жамоасидан Виктория Графеева (60 кг), Аида Абикеева (63 кг), Наталья Богданова (70 кг), Гулсая Ержан (81 кг) ва Елдана Талипова (+81 кг) чемпион бўлди, яна 5 нафар боксчи бронза медалини қўлга киритди.

Шундай қилиб, Қозоғистон терма жамоаси жами 9 та олтин, 5 та кумуш ва 6 та бронза медалини қўлга киритди. Бу кўрсаткич бўйича Қозоғистон иккинчи ўринни эгаллади. Турнирда 11 та олтин медални қўлга киритган Ўзбекистон терма жамоаси пешқадам бўлди.

Қозоғистон аёллар терма жамоаси медаллар сони бўйича пешқадам бўлган бўлса, эркаклар терма жамоаси Ўзбекистондан (8 та олтин, 2 та кумуш, 1 та бронза) кейин.

Осиё чемпионати ғолиблари 8 минг АҚШ доллари (тахминан 4,1 миллион тенге), кумуш медал соҳиблари 4 минг доллар, бронза медали соҳиби 2 минг доллардан мукофот олди.

Эслатиб ўтамиз, аввалроқ Айбек Оралбай Осиё чемпионатида олтин медални қўлга киритгани ҳақида ёзган эдик.