Қозоғистон - Словения. Қандай ҳужжатлар имзоланди
ASTANА. Кazinform – Бугун Словения Президенти Наташа Пирц-Мусар расмий ташриф билан Қозоғистонга келди ва ташриф якунлари бўйича қатор ҳужжатлар имзоланди.
Ақорда матбуот хизмати хабарига кўра, музокаралар якунлари бўйича президентлар Қўшма баёнот қабул қилдилар. Бундан ташқари, расмий делегация аъзолари қуйидаги ҳужжатларни имзоладилар:
1. Қозоғистон Республикаси Фан ва олий таълим вазирлиги ва Словения Республикаси Олий таълим, фан ва инновациялар вазирлиги ўртасида таълим ва фан соҳасида ўзаро англашув меморандуми;
2. Қозоғистон Республикаси Туризм ва спорт вазирлиги ва Словения Республикаси Иқтисодиёт, туризм ва спорт вазирлиги ўртасида туризм соҳасидаги ҳамкорлик тўғрисидаги англашув меморандуми;
3. Қозоғистон Ташқи савдо палатаси ва Словения Савдо-саноат палатаси ўртасида ўзаро англашув меморандуми.
Эслатиб ўтамиз, Давлат раҳбари Қасим-Жомарт Тоқаев Қозоғистонга расмий ташриф билан келган Словения Президенти Наташа Пирц-Мусарни Ақордада кутиб олди.
Аввалроқ Қозоғистон ва Словения президентлари кенгайтирилган таркибда музокаралар ўтказгани ҳақида хабар берган эдик.
