Қозоғистон Президенти зиёлиларни ҳамжиҳатликка чақирди
ATYRAÝ. Kazinform – Ҳақиқий ривожланган давлатга айланиш учун фақат иқтисодий масалаларни ҳал этишнинг ўзи етарли эмас. Бу ҳақда Давлат раҳбари Қасим-Жомарт Тоқаев Миллий қурултойнинг учинчи йиғилишида сўзлаган нутқида маълум қилди, деб хабар беради Kazinform.
- Ўтган йилнинг кузида мен ўз Мурожаатномамда янги иқтисодий сиёсатга ўтиш ҳақида эълон қилган эдим. Февраль ойи бошида Ҳукумат алмаштирилиб, унга янги вазифалар юклатилди. Бироқ, чинакам ривожланган давлатга айланиш учун фақат иқтисодий масалаларни ҳал этишнинг ўзи етарли эмас. Биз нафақат ижтимоий-иқтисодий, балки мафкуравий соҳада ҳам йўналишларни белгилаб, ҳар томонлама ҳаракат қилишимиз керак. Шу боис бу йил Миллий Қурултойнинг навбатдаги йиғилиши ёзда эмас, балки анча олдинроқ ўтказилмоқда. Шу муносабат билан қуйидаги долзарб масалаларга алоҳида тўхталиб ўтмоқчиман. Бу, энг аввало, халқимиз бирлигини мустаҳкамлашда ниҳоятда муҳим. Биласизлар, мен бу ҳақда доим гапираман. Муштарак интилишлар билан бирлашган халқ ҳеч қачон мағлубиятга учрамайди ва доимо олдинда бўлади. Халқ бирлигини мустаҳкамлашда зиёлилар, айниқса, жамиятда тинглаётган кекса авлод вакиллари алоҳида ўрин тутади. Улар - халқимизнинг кўнгли ва ғуруридир. Халқнинг бирлиги унинг зиёлиларининг бирлигидан бошланади. Бошқача айтганда, жамиятимиздаги таниқли ва обрўли инсонлар ўртасидаги бирлик, ҳамжиҳатлик муҳим аҳамиятга эга. Улар ўрнак бўлиши, миллат бирлигини мустаҳкамлаш, навқирон авлодни тўғри тарбиялашга хизмат қиладиган чинакам катта ва бунёдкорлик мавзуларида гапириши керак”, - деди Президент.
Яқинда бу борада Ёзувчилар уюшмаси раиси, Миллий қурултой аъзоси Мереке Қулкенов ўринли фикр билдирганини, халқимизнинг кўзга кўринган арбоблари бир-бирларининг хизматларини эътироф этиб, бир-бирларига ҳурмат-эҳтиром кўрсатсалар, бу халқимиз ҳамжиҳатлигини мустаҳкамлашга хизмат қилишини эслади.
- Сўнгги пайтларда қадимий ўтмишнинг турли воқеалари, машҳур тарихий шахслар атрофида кўп муҳокамалар бўлмоқда. Иш шу даражага етдики, ёзувчи ва шоирларимиз Чингизхоннинг келиб чиқиши тўғрисида қизғин баҳс юритадилар. Уларда «Алаш” ҳаракати етакчилари билан шўролар давридаги етакчиларимизни қиёслаб, қарама-қарши қўяди. Бундай баҳс-мунозараларда ҳақиқатга эришиш қийин, буни уддасидан чиқсак ҳам жамиятни қўзғатадиган бундай қуруқ полемикалар керак эмас. Ҳар бир даврнинг ўзига хос хусусиятлари бор. Ўтмишдаги барча сиймоларимиз ўз қарашлари, дунёқараши асосида ўз халқига хизмат қилганлар. Улар бир-бирларининг қарашларини танқид қилди, кейинги авлодлар эса уларнинг қайси бири тўғри, ким нотўғри эканлиги ҳақида баҳслашдилар. Умуман олганда, турли тарихий шахсларни, тарихнинг ўтмиш ва янги даврларини қарама-қарши қўйиш мумкин эмас. Зеро, моҳиятан буларнинг барчаси бизнинг тарихимиз, халқимиз босиб ўтган йўлдир. Қандай бўлмасин, биз ўз тарихимизга ҳалол ва холис назар билан қарашимиз ва уни қандай бўлса, шундай қабул қилишимиз керак. Тарихимиз миллатни бирлаштириш омилига айланиши керак”, - деди Қасим-Жомарт Тоқаев.
