Қозоғистон Президенти ва Пан Ги Мун барқарор ривожланиш масалаларини муҳокама қилдилар

ASTANA. Kazinform – Давлат раҳбари Глобал яшил тараққиёт институти раиси Пан Ги Мунни қабул қилди, дея хабар беради Ақорда матбуот хизмати.

Астана халқаро форумида Президент Қасим-Жомарт Тоқаев Глобал яшил тараққиёт институти раиси, Бирлашган Миллатлар Ташкилотининг саккизинчи Бош котиби Пан Ги Мун билан учрашди.

Давлат раҳбари Институтга мамлакатимизнинг углерод нейтраллиги стратегиясини ишлаб чиқишда кўрсатаётган эксперт ёрдами ҳамда қуриб қолган Орол тубини экологик жиҳатдан тиклаш дастуридаги иштироки учун миннатдорлик билдирди.

Пан Ги Мун Қозоғистоннинг барқарор ривожланиш мақсадларига эришиш йўлидаги саъй-ҳаракатларини қўллаб-қувватлади ва глобал экологик ташаббусларни амалга ошириш бўйича ҳамкорликни кенгайтириш муҳимлигини қайд этди.

Аввал хабар қилинганидек, Қозоғистон ва Афғонистон савдо-иқтисодий ҳамкорликни мустаҳкамлайди.