Қозоғистон Президенти Surbana Jurong гуруҳи Бош директори Вонг Хеанг Файнни қабул қилди
Президент Сингапурнинг Surbana Jurong компанияси Бош директори Вонг Хеанг Файн билан учрашувда Алмати агломерациясини ривожлантириш билан боғлиқ инвестиция лойиҳаларининг истиқболларини муҳокама қилди.
Президентга компаниянинг маҳаллий инвесторлар билан ҳамкорликда Алмати вилоятида «G4 City» деб номланган тўртта янги шаҳар қуриш режаси тақдим этилди.
Ҳозирда G4 City» қурилиш лойиҳасини амалга оширишнинг йўл харитаси ва бош режаси ишлаб чиқилган.
Бу Йўл харитаси шаҳарсозлик ҳужжатларини тайёрлаш, муҳандислик ва ижтимоий инфратузилмани, қулай сармоявий муҳитни шакллантиришни ўз ичига олади.
Қасим-Жомарт Тоқаев Сингапур билан сармоявий ҳамкорликни мустаҳкамлашнинг стратегик аҳамиятини таъкидлаб, давлат бу лойиҳада хорижий ҳамкорларни қўллаб-қувватлашини айтди.
