Қозоғистон Президенти Иордания музейига ташриф буюрди
ASTANA. Kazinform - Президент Қасим-Жомарт Тоқаев Амманга расмий ташрифи доирасида Иордания музейига ташриф буюрди, дея хабар беради Ақорда матбуот хизмати.
Давлат раҳбарини муассасада шаҳзода Али бин Ал-Ҳусайн, Иордания музейи васийлик кенгаши раиси ўринбосари, малика Сумайя бинт Ҳасан ва музей директори Иҳоб Амарин кутиб олди.
Қасим-Жомарт Тоқаев кўргазма залларини айланиб чиқди, музей фондида сақланаётган нодир ашёлар ва экспонатлар билан танишди. Давлат раҳбарига Иордания Ҳошимийлар Подшоҳлигидаги энг йирик музейнинг ташкил этилиши тарихи ҳақида ҳам маълумот берилди.
Музейнинг махсус экспонатларидан бири - Қумрон қўлёзмаларидир. У ерда катта тарихий аҳамиятга эга бўлган мис қўлёзмаларнинг парчалари билан танишиши мумкин.
Доимий кўргазмадан ташқари, Иордания музейи миллий тарих ва маданиятни тарғиб қилиш учун вақтинчалик кўргазмалар, маърузалар, семинарлар ва маданий тадбирларни ташкил қилади.
Президент мазкур муассасани кўздан кечирганидан сўнг, “Муҳтарам меҳмонлар китоби”га эсдалик ёзувини қолдирди.
Эслатиб ўтамиз, аввалроқ Президент Иордания Ҳошимийлар Подшоҳлигига расмий ташриф билан боргани ҳақида ёзган эдик.
Давлат раҳбари Ал-Ҳусайния саройига борди.
Президент Қасим-Жомарт Тоқаев Иордания Подшоҳи билан музокаралар ўтказди.
Расмий ташриф доирасида 10 та ҳужжат имзоланди.
Давлат раҳбари Подшоҳ Абдулла II ни «Алтын Қыран» ордени билан тақдирлади.
