Қозоғистон Премьер-лигаси тарихидаги илк аёл ҳакам фаолиятини якунлади
ASTANА. Кazinform - Қозоғистон футболида тарихий лаҳза: Эльвира Нурмустафина фаолиятини якунлади. У сўнгги ўйинини бошқарди.
Бу ҳақда Қозоғистон Премьер-лигаси матбуот хизмати хабар берди. Эльвира Нурмустафина ҳакамлик фаолиятини 2008 йилда бошлаган, 2010 йилда FIFА рефериси мақомини олган, 2013 йилдан эса Халқаро тоифадаги ҳакам.
2021 йилда Нурмустафина Қозоғистон футболининг олий лигасидаги эркаклар жамоалари ўртасидаги расмий ўйинни бошқарган биринчи аёл ҳакам бўлиб тарихга кирди.
Хизмат йиллари давомида у спорт соҳасида профессионаллик ва барқарорлик тимсолига айланди. Унинг ҳакамлик ривожига қўшган ҳиссаси Қозоғистон футбол ассоциацияси учун муҳим давр бўлди.
Нурмустафинанинг сўнгги ўйини нафақат спорт мусобақаси, балки янги авлодга ўрнак бўлган давр билан хайрлашув бўлди.
Эслатиб ўтамиз, аввалроқ Қозоғистон футболига бағишланган коллекция тангалари сотувга чиқарилгани ҳақида хабар берган эдик.
