Қозоғистон пойтахтида фавқулодда вазият жорий қилинди

NUR-SULTAN. Kazinform – Қор бўрони туфайли Қозоғистон пойтахтида фавқулодда вазият жорий қилинди. Бу ҳақда ҚР Ички ишлар вазири ўринбосари Юрий Ильин маълум қилди, деб хабар беради Kazinform мухбири.

«Нур-Султан шаҳри бўйича ФВ жорий қилинди. Бу Адлия бошқармасида рўйхатдан ўтказилди. Олтита ҳудудда ФВ бўйича комиссия йиғилиши бўлиб ўтади», - деди Ю.Ильин.

У фавқулодда вазият эълон қилиш сабабларига батафсил тўхталиб ўтди.

«Фавқулодда вазият аҳоли пунктида одатий ҳаёт тарзини таъминлаш, одамларни манзилига ўз вақтида олиб бориш, озиқ-овқат ва тиббий хизмат билан узлуксиз таъминлашда муаммоларга дуч келинганда жорий қилинади», - деді спикер.

Эслатиб ўтамиз, об-ҳаво ноқулайлиги сабабли аэропортдаги барча рейслар номаълум вақтга тўхтатилганини хабар қилгандик.

Шаҳар Полиция департаменти бошлиғи Ержан Саденов, шаҳар ФВД бошлиғи Бауиржан Сиздиқов ва Нур-Султан шаҳри ҳокими ўринбосари Алтинбек Қайсағалиев об-ҳаво ёмонлашиши туфайли 2020 йил 27 январида олий таълим муассасаларида дарсларни бекор қилиш ва иш берувчиларга иш жадвалини қайта кўриб чиқишни тавсия қилди.

Муаллиф: Руслан Ғаббасов