Қозоғистон-Озарбайжон ҳамкорлигини ривожлантириш: Олжас Бектенов Бокуга расмий ташриф билан борди
ASTANA. Kazinform – ҚР Бош вазири Олжас Бектеновни Бокуга расмий ташрифи доирасида Озарбайжон Республикаси Президенти Илҳом Алиев қабул қилди. Қозоғистон Президенти Қасим-Жомарт Тоқаевнинг самимий саломи етказилди. Бу ҳақда Ҳукумат матбуот хизмати хабар берди.
Икки давлат раҳбарлари ўртасидаги ишончли муносабатлар туфайли Қозоғистон-Озарбайжон ҳамкорлиги сифат жиҳатидан янги шериклик даражасига кўтарилди.
Озарбайжон Республикаси Бош вазири Али Асадов билан ҳукуматлараро музокаралар чоғида савдо-иқтисодий ҳамкорлик, транспорт ва логистика соҳасидаги ҳамкорлик, маданий-гуманитар алоқаларни ривожлантириш масалалари муҳокама қилинди.
2024 йилда икки давлат ўртасидаги товар айирбошлаш ҳажми 533 миллион долларни ташкил этади. Қозоғистон Озарбайжонга 340 миллион доллардан ортиқ 130 турдаги нонефть товарлар етказиб бериш ҳажмини оширишга тайёр. Транспорт ва логистика соҳасидаги ҳамкорликка эътибор қаратилди. Ўтган йили Транскаспий халқаро транспорт йўналишида юк ташиш ҳажми 62 фоизга ошиб, 4,5 миллион тоннага етди. Икки мамлакат темир йўллари ўртасида “Рақамли савдо коридори” платформасини интеграциялаш якунланди.
Томонлар ўзаро товар айирбошлаш ҳажмини янада юқори даражага кўтариш учун барча саъй-ҳаракатларни амалга ошириш ниятида эканликларини тасдиқладилар.
Учрашувлар якунида қатор икки томонлама ҳужжатлар имзоланди. Қозоғистон-Озарбайжон йўналишида сув ости оптик толали алоқа тармоғини лойиҳалаш ва қуриш бўйича ҳужжат шулар жумласидандир. Лойиҳа алоқа сифати ва ишончлилигини ошириш, Осиё ва Европа ўртасида маълумотлар узатишни кенгайтириш учун стратегик аҳамиятга эга.
Шунингдек, музокаралар чоғида икки давлатнинг маданий-гуманитар соҳадаги ўзаро ҳамкорлиги муҳокама қилинди. Озарбайжон томони Қозоғистоннинг Қорабоғни қайта тиклаш жараёнига қўшган ҳиссасини юқори баҳолади.
