Қозоғистон Миллий жамғармасининг валюта маблағларини 93,2 миллиард долларга етказади

ASTANA. Kazinform - Қозоғистон Республикаси Миллий иқтисодиёт вазири Алибек Қуантиров Сенатнинг ялпи мажлисида «2023-2025 йилларга мўлжалланган Миллий жамғармадан кафолатланган трансферт тўғрисида»ги қонун лойиҳасини тақдим этди, деб хабар беради Kazinform мухбири.

«Миллий жамғармадан кафолатланган трансферт ҳажми янги бюджет қоидаси билан чекланган бўлиб, улар нефтнинг чегаравий нархини ҳисобга олган ҳолда белгиланади ва прогнозларга кўра, Миллий жамғармага нефт соҳасидаги ташкилотлар томонидан йўналтириладиган тўғридан-тўғри солиқлар миқдоридан ошмайди. Шундай қилиб, қонун лойиҳасида нефтнинг чегаравий нархи 2023 йилда бир баррел учун 48,9 доллар, 2024-2025 йилларда бир баррел учун 42,2-40,3 доллар қилиб белгиланди. Шуни ҳисобга олиб, 2023 йилда республика бюджетига кафолатланган трансферт ҳажми 2024 йилда 2 триллион тенгега, 2025 йилда эса 1,9 триллион тенгега қисқартирилган ҳолда 2,2 триллион тенге этиб белгиланди»

, — деди Алибек Қуантиров.

Норматив-ҳуқуқий ҳужжатларнинг режалаштирилган даврда қўлланилиши Миллий жамғарманинг валюта маблағларининг 2023 йилда 66,7 миллиард АҚШ долларигача тикланишига, 2024-2025 йилларда эса 78,8-93,2 миллиард АҚШ долларига етказилишига хизмат қилишини таъкидлади.

«Бизнинг прогнозларимизга кўра, Миллий жамғармадан маблағларни олиб қўйишнинг юқори чегарасининг белгиланиши ва ўрта муддатли истиқболда харажатларнинг ўсиш суръатлари бюджет интизомини яхшилаш ва Миллий жамғарманинг жамғарма функциясини кучайтириш имконини беради. Қонун лойиҳасининг қабул қилиниши республика бюджети балансини таъминлайди ва шу билан бирга Миллий жамғарманинг барқарорлаштириш функциясини амалга оширади»

, — деди вазир.

«Мамлакатни ижтимоий-иқтисодий ривожлантириш прогнози параметрлари, шунингдек, бюджет ва Миллий жамғарма маблағларининг кўриб чиқиш учун тақдим этилган прогноз параметрлари мутаносибдир ҳамда барқарор иқтисодий ўсишни таъминлаш учун ижтимоий-иқтисодий кўрсаткичларни тиклаш ва барқарорлаштиришга қаратилган», – дея қўшимча қилди Алибек Қуантиров.

Муаллиф: Азамат Сиздиқбаев