Қозоғистон корхоналари 4 ойда 9 триллион тенгелик маҳсулотни қайта ишлади

ASTANA. Kazinform — ҚР Саноат ва қурилиш вазири Ерсайин Нағаспаев Ҳукумат йиғилишида Қозоғистон корхоналари 4 ой ичида 9 триллион тенгелик маҳсулот қайта ишлаганини маълум қилди.

“Тўрт ой якунларига кўра, ишлаб чиқариш саноати 7,2 фоизга ўсиб, 9 триллион тенгелик маҳсулот ишлаб чиқарди. Энг юқори ўсиш машинасозлик (111,2 фоиз), кимё саноати (111,2 фоиз), қурилиш саноати (112,9 фоиз) ва мебель ишлаб чиқариш (114,8 фоиз) соҳаларида кузатилди”, — деди вазир.

Ерсайин Нағаспаев ишлаб чиқариш саноатини қўллаб-қувватлаш учун тартибга солинадиган харидлар механизми жорий этилишини маълум қилди.

“Ушбу восита туфайли маҳаллий товарларнинг 4800 дан ортиқ позициясига устувор аҳамият берилди. Жорий йилнинг беш ойи якунларига кўра, давлат органлари маҳаллий ишлаб чиқарувчилар билан умумий қиймати 303 миллиард тенге бўлган 96 мингдан ортиқ шартнома имзолади. Бу ўтган йилга нисбатан уч баробар кўпдир”, — деди вазир.