Қозоғистон Германияга ойига 100 минг тонна нефть экспорт қилмоқчи
«Дастлаб биз кичик ҳажмдан бошладик, ойига тахминан 20 минг тонна. Айни пайтда эришилган келишувлар натижасида Қозоғистон нефть қазиб олиш ҳажмини ойига 100 минг тоннага оширишни режалаштирган. Бугун «Достық» нефть қувури бўйича келишув имзоланди», - деди Алмасадам Сатқалиев Ақордада ОАВ вакиллари саволларига жавоб берар экан.
Вазирнинг таъкидлашича, аввалроқ нефть ушбу қувур орқали Германияга намуна сифатида юборилган.
«Бошқача айтганда, биз ташқи бозорга катта миқдорда нефть етказиб бериш имкониятларини ўрганяпмиз. Бу етказиб бериш якунида унинг ҳажмини ошириш ҳақида гапириш мумкин», - деди вазир.
Эслатиб ўтамиз, Ақордада Давлат раҳбари Қасим-Жомарт Тоқаев ва мамлакатга давлат ташрифи билан келган Германия Федерал Президенти Франк-Вальтер Штайнмайер ўртасида музокаралар бўлиб ўтяпти.
Муаллиф: Марлан Жиембай
