Қозоғистон етти ойда 48,9 млрд долларлик маҳсулот экспорт қилди

NUR-SULTAN. Kazinform – 2022 йилнинг етти ойида Қозоғистоннинг ташқи савдо айланмаси 74,3 миллиард долларга етди. Бу ҳақда Ҳукумат йиғилишида ҚР Миллий иқтисодиёт вазири Алибек Қуантиров маълум қилди, дея хабар беради Kazinform мухбири.

«Жорий йилнинг январ-июл ойларида ташқи савдо айланмаси 36,9 фоизга ўсиб, 74,3 миллиард долларни ташкил этди. Улар орасида экспорт кўрсаткичи 52,9 фоизга ошиб, 48,9 миллиард долларга етди. Шу билан бирга, қайта ишланган маҳсулотлар экспорти 35,7 фоизга ошиб, 14,3 миллиард долларни ташкил этди. Товарлар импорти 25,3 миллиард долларни ташкил этди. Умуман олганда, савдо айланмасининг ижобий сальдоси 23,6 миллиард долларни ташкил этади», - деди Алибек Қуантиров.

Унинг таъкидлашича, ишлаб чиқариш саноатида ижобий ўсиш суръати сақланиб қолмоқда. Январ-август ойларида ишлаб чиқариш ҳажми 4,8 фоизга ошди.

«Улар орасида 16 та ҳудудда ижобий ўсиш кўрсаткичи қайд этилди. Энг юқори ўсиш Шарқий Қозоғистон, Жамбил ва Қостанай вилоятларида, шунингдек, Алмати шаҳрида кузатилмоқда.

Ишлаб чиқариш саноатининг 7,9 фоизи, жумладан, автомобилсозлик – 18,2 фоизи, электр жиҳозлари ишлаб чиқариш – 8,3 фоизи, озиқ-овқат маҳсулотлари – 3,5 фоизи, ичимликлар – 7,5 фоизи, пластмасса буюмлари – 5,1 фоизи, тайёр металл маҳсулотлари – 2,4 фоизи, кимё саноати маҳсулотлари – 118,8 фоизи, кийим-кечак ишлаб чиқариш - 7,1% ўсиш таъминланди», - деди вазир.

Муаллиф: Есимжан Нақтибай