Қозоғистон эркаклар терма жамоаси таэквондо бўйича Жаҳон кубогида бронза медални қўлга киритди
ASTANA. Kazinform – Жаҳон кубоги Жанубий Кореянинг Чхунчхон шаҳрида бўлиб ўтмоқда.
Қозоғистонликлар бронза учун кечган баҳсда Марокаш терма жамоасини 2:1 ҳисобида мағлуб этди. Терма жамоа таркибида Бекасыл Ергеш, Абдрахман Марипов, Мерген Ғаниев ва Нурбек Ғазез Қозоғистон шарафини ҳимоя қилди.
Таъкидлаш керакки, қозоғистонлик спортчилар саралаш босқичида Ҳиндистонни ютиб, ярим финалда Жанубий Кореяга ютқазиб қўйишган.
Энди эртага, 10 июль куни аёллар ўртасида жамоавий мусобақа бўлиб ўтади. Қозоғистонлик спортчиларнинг дастлабки рақиби – Хитой терма жамоаси бўлади.
Бу мусобақа – таэквондо (WT) бўйича ўтказиладиган халқаро даражадаги асосий турнирлардан бири ҳисобланади. Унда ҳар йили дунёнинг турли бурчакларидан энг кучли жамоалар иштирок этади.
