Қозоғистон БМТнинг 144-сессиясида қандай ислоҳотларни таклиф қилди
GENEVА. Кazinform – Женевада БМТ Инсон ҳуқуқлари қўмитасининг 144-сессияси доирасида Қозоғистоннинг Фуқаролик ва сиёсий ҳуқуқлар тўғрисидаги халқаро пакт ижроси бўйича учинчи миллий ҳисоботи муҳокама қилинди. Бу ҳақда ҚР Маданият ва ахборот вазирлиги маълум қилди.
Қозоғистон сўнгги йиллардаги асосий ислоҳотларни тақдим этди. Халқаро форумда ҚР Маданият ва ахборот вазири ўринбосари Евгений Кочетов бошчилигидаги делегация иштирок этди. Гендер қонунчилигини такомиллаштириш борасида амалга оширилаётган ишлар ҳақида гапириб, хотин-қизлар ҳуқуқларини ҳимоя қилиш давлат сиёсатининг устувор йўналишларидан бири эканини таъкидлади.
Агентлик маълумотларига кўра, Қозоғистон БМТнинг 144-сессиясида оиладаги зўравонлик айбдорларини жиноий жавобгарликка тортиш, “Оммавий ахборот воситалари тўғрисида”ги қонун, ёшлар ва аёллар учун квоталар каби ислоҳотларни таклиф қилган.
Хусусан, аёллар учун 30 фоизлик квота жорий этилди. Бугунги кунда хотин-қизларнинг 55,8 фоизи давлат хизматида ишлайди, уларнинг Парламентдаги улуши эса 19,6 фоизни ташкил этади. Гендер таҳлили жорий этилди ва мамлакатда гендерга мос бюджетни режалаштириш кўриб чиқилмоқда. Сўнгги йилларда амалга оширилган асосий ислоҳотлардан бири оиладаги зўравонлик содир этган шахсларни жиноий жавобгарликка тортишдир.
Қозоғистон нафақат бу қонунни кучайтирди, балки профилактика чораларини ҳам жорий қилди. Оилаларни қўллаб-қувватлаш марказлари фаолияти оптималлаштирилди ва тизимлаштирилди, оғир ҳаётий вазиятга тушиб қолган оилаларни аниқлаш бўйича мобил гуруҳлар ташкил этилди, тажовузкорга нисбатан мажбурий психологик чоралар кўрилди. Е.Кочетов сўз эркинлиги ва фуқаролик жамиятини қўллаб-қувватлаш масаласига ҳам алоҳида тўхталиб ўтди.
“Оммавий ахборот воситалари тўғрисида”ги ва “Онлайн платформалар тўғрисида”ги қонунлар қабул қилинди, туҳмат энди жиноий жавобгарлик ҳисобланмайди, epetition.kz платформаси ишга туширилди. Қозоғистонда 17 мингдан ортиқ нодавлат ташкилот фаолият юритади.
Таъкидлаш жоизки, қўмита томонидан фуқаролик жамияти фаоллиги алоҳида қайд этилди. Қозоғистон инсон ҳуқуқлари стандартларини мустаҳкамлашга ва очиқ мулоқотга тайёрлигини тасдиқлади.
Эслатиб ўтамиз, Аида Балаева Марказий Осиё давлатлари билан амалга ошириладиган медиа-лойиҳалар ҳақида гапириб берган эди.
