Қозоғистон авиакомпаниялари 15 миллионга яқин йўловчини ташиди

ASTANA. Kazinform – Сўнгги 5 йилда фуқаро авиацияси соҳаси кўрсаткичлари икки баравар ошди. Бу ҳақда ҚР Транспорт вазири ўринбосари Талғат Ластаев маълум қилди.

Унинг сўзларига кўра, ўтган йили Қозоғистон авиакомпаниялари 14 миллион 700 минг йўловчи ташди, бу 2023 йилга нисбатан 11 фоизга кўпдир.

Аэропортларда хизмат кўрсатилган йўловчилар сони 14 фоизга ошиб, 29 миллион 700 минг кишини ташкил этди.

“Парвозлар хавфсизлиги фуқаро авиациясининг асосий вазифасидир. Қозоғистонда бу кўрсаткич Ғарбий Европа мамлакатлари кўрсаткичлари билан таққосланади – Халқаро авиация ташкилоти маълумотларига кўра, у 82% ни ташкил қилади. Бу жаҳон ўртача кўрсаткичидан (70,8 фоиз) 11,2 фоизга юқори”, — деди Т. Ластаев Ҳукуматнинг бугунги мажлисида.

2024 йилда Европа комиссияси Қозоғистон авиакомпаниялари учун Европа Иттифоқига парвозлар учун “Қора рўйхат”даги барча чекловларни бутунлай олиб ташлади.

“Жорий йилнинг июль ойида Давлат раҳбарининг таклифига биноан Халқаро фуқаро авиацияси ташкилоти (ИКАО) кенгаши президенти Сальваторе Шаккитано илк бор Қозоғистонга расмий ташриф билан келади. Бу Қозоғистон ва ИКАО ўртасидаги ҳамкорликнинг янги босқичи”, – деди вазир ўринбосари.