Қозоғистон аёллар теннис терма жамоаси жаҳон рейтингида кучли ўнталикдан жой олди

ASTANA. Кazinform – Халқаро теннис федерацияси бирлашган жамоаларнинг янгиланган рейтингини эълон қилди, деб хабар беради Кazinform мухбири.

Қозоғистон теннис федерацияси хабар беришича, аёллар терма жамоаси жаҳон рейтингида 9-ўриндан 10-ўринга тушиб кетган, бироқ кучли ўнталикда қолган.

Қозоғистон аёллар терма жамоаси Россия, Италия, Руминия, Бельгия, Буюк Британия ва Польшадан олдинда.

Қозоғистон терма жамоаси аёллар ўртасидаги жаҳон чемпионати – Билли Жан Кинг кубоги финалида ўйнади ва Буюк Британияни мағлуб этди, бироқ Испанияга имкониятни бой бериб, гуруҳдан чиқа олмади.

Рейтингда ҳамон Австралия етакчилик қилмоқда.

Billie Jean King Cup рейтингининг энг яхши 10 талигига қуйидаги жамоалар киради:

1. Австралия – 1142;

2. Швейцария – 1041;

3. Испания – 929;

4. Чехия – 922;

5. Франция – 910;

6. Канада – 815 та;

7. АҚШ - 793;

8. Словакия – 779;

9. Германия – 777;

10. Қозоғистон – 739 та

Эслатиб ўтамиз, аввалроқ икки нафар қозоғистонлик теннисчи Осиё ўсмирлари рейтингида пешқадамлик қилаётгани ҳақида хабар берган эдик.

Муаллиф: Ғайсағали Сейтақ