Қозоғистон 3 йилда 48 та тикланувчи энергия объектларини қуради
Энергетика вазири Болат Ақшолақовнинг айтишича, айни пайтда Қозоғистон Ягона энергетика тизими барқарор ишламоқда. Электр энергияси ишлаб чиқариш 16 октябр ҳолатига экспортни ҳисобга олган ҳолда 86,9 млрд кВт/соатни, истеъмол 86,8 млрд кВт/соатни ташкил этди. Иситиш мавсуми нормал ўтмоқда: энергия манбалари омборларида 4,1 миллион тонна кўмир ва 81 минг тонна мазут жамғарилган бўлиб, бу тасдиқланган меъёрларга мос келади.
Бугунги кунда республикада умумий қуввати қарийб 2300 МВт бўлган 140 дан ортиқ қайта тикланадиган энергия объектлари фаолият кўрсатмоқда, умумий электр энергияси ишлаб чиқаришдаги улуши 3,7 фоизни ташкил этади. Шу билан бирга, уч йил давомида умумий қуввати 850 МВт дан ортиқ бўлган 48 та қайта тикланувчи энергия манбаларини ишга тушириш режалаштирилган. Умуман олганда, мақсадли кўрсаткичларга кўра, 2025 йилга келиб тикланувчи манбалардан олинган электр энергиясининг умумий ишлаб чиқаришдаги улуши 6 фоизга етиши керак.
Вазирнинг сўзларига кўра, бундан ташқари, энергетика саноатини 2035 йилгача ривожлантириш доирасида электр энергияси бозорининг марказлашган сотиш ва сотиб олишга асосланган янги моделига ўтиш талаб этилади. Шунингдек, «Инвестиция тарифи» дастури, тоза кўмир технологиялари, қайта тикланувчи энергия манбалари, замонавий газ ва атом ишлаб чиқаришни жорий этиш бўйича комплекс чора-тадбирлар ишлаб чиқилган.
Муаллиф: Серик Сабеков
Фото: primeminister.kz
