Қозоғистон 2025 йилда ватандошларга қанча квота ажратади
ASTANA. Kazinform – ҚР Меҳнат ва аҳолини ижтимоий ҳимоя қилиш вазирлиги 2025 йилда ватандошларни қабул қилиш квотаси лойиҳасини жамоатчилик муҳокамасига чиқарди.
“2025 йил учун Ватандошларни қабул қилиш бўйича ҳудудий квоталар сони 2309 кишини ташкил этади”, — дейилади буйруқ лойиҳасида.
Кўчиб ўтувчиларни (мамлакат ичида) қабул қилиш квотаси эса 7 344 киши этиб белгиланади. Вазирлик вакилларининг таъкидлашича, бу ердаги кўчиб ўтувчилар квотаси Қозоғистон ичида иш билан таъминлаш дастурлари доирасида кўчиб ўтувчиларга берилади.
“Ҳужжатда ишчи кучи етишмайдиган ҳудудларнинг эҳтиёжидан келиб чиқиб, 9 минг 653 нафар кишини қабул қилиш учун ҳудудий квотани тасдиқлаш кўзда тутилган”, – дейилади ҳужжатда.
Яъни, кўрсатилган квотага киритилган шахслар республиканинг ишчи кучи етишмайдиган ҳудудларига юборилади.
Эслатиб ўтамиз, 2024 йил учун аҳоли пунктларида ватандошларни қабул қилиш квотаси 2433 нафарни ташкил қилган эди.
