Костенко конида ҳалок бўлганлар сони 28 кишига етди

Қарағанди вилояти Фавқулодда вазиятлар бошқармаси маълумотларига кўра, соат 15:00 ҳолатига кўра, ҳалок бўлган 28 кишининг жасади топилган, 18 нафар кончини қидириш ишлари давом этмоқда, деб хабар беради Kazinform агентлиги мухбири.

“АрcелорМиттал Темиртау” акциядорлик жамиятига қарашли Костенко конида авария-қутқарув ишларига “Касбий ҳарбийлаштирилган авария-қутқарув хизматлари” МЧЖ Республика марказий штаби Қарағанди бўлимининг қутқарувчилари жалб қилинди”, – дея хабар берди Қарағанди вилояти Фавқулодда вазиятлар бошқармаси.

Ахборот ва психологик ёрдам учун Қарағанди ФВД 8-7212-51-72-23, “АрcелорМиттал Темиртау” 8-7212-49-72-70 ва Астанада 8-7172-70-41-08 ишонч телефонлари мавжуд.

Эслатиб ўтамиз, бугун Қарағанди вилоятидаги Костенко конида портлаш содир бўлди.

Қозоғистон Республикаси Президенти Қасим-Жомарт Тоқаев кончиларнинг яқинларига чуқур ҳамдардлик билдирди. Давлат раҳбари, шунингдек, “АрcелорМиттал Темиртау” билан инвестициявий ҳамкорликни тўхтатиш бўйича топшириқ берди.

Бош прокуратура Костенко конида юз берган воқеа юзасидан жиноий иш қўзғатди.