Коронавирусга қарши Pfizer вакцинаси Европанинг 27 мамлакатига етказиб берилади

BRÚSSEL Kazinform – Коронавирусга қарши вакцинанинг биринчи партияси маҳаллий полиция кузатуви билан Пуурс (Бельгия) ҳудуддаги американинг Pfizer компаниясининг заводидан чиқди. Юк машиналари Европа Иттифоқининг барча 27 мамлакатига вакцинани етказиб беради, деб хабар беради Казинформ мухбири.

Совутиш мосламалари билан жиҳозланган учта йирик юк машиналари полиция машиналари билан бирга заводдан чиқиб, «Эссерс транспорт» логистика марказига йўл олди. Кейин вакцина Европа Иттифоқининг бошқа мамлакатларига тарқатилади.

Pfizer вакцинаси Цельсий шкаласи бўйича -70 дан -80 даражагача шароитда сақланиши керак. Шунинг учун юк машиналари ҳайдовчилари фавқулодда вазиятларда ҳаракат қилиш учун махсус ўқитилган.

Pfizer ва BioNTech томонидан ишлаб чиқарилган вакцина душанба куни Европа дори воситалари агентлиги маъқуллаган ва шу куни Европа комиссияси томонидан маъқулланди.

Европа Комиссияси Президенти Урсула фон дер Ляйеннинг таъкидлашича, вакцина Европа Иттифоқининг барча мамлакатларида «бир вақтнинг ўзида ва бир хил шароитда» мавжуд бўлади.

Глобал миқёсда Pfizer вакцинаси АҚШ, Буюк Британия ва Швейцарияда фойдаланиш учун тасдиқланган.