Коронавирусга қарши Қозоғистон вакцинаси: Синовда 600дан ортиқ киши иштирок этади
«Ҳужжатларни қабул қилиш шу йилнинг 10 сентябрида тугайди. Бугунги кунга қадар 627 киши вакцина олиш ниятида мурожаат қилди. Биринчи босқичда биз 44 кишини, иккинчисида 240 кишини танлашни режалаштирмоқдамиз. Биз вакцинадан хабардорлиги, Қозоғистон аҳолисининг ижобий мотивацияси ва ватанпарварлигидан мамнунмиз. Шубҳасизки, бундай ишонч биз каби ишлаб чиқарувчи ва бутун Қозоғистон илм-фани учун нафақат амалий кўмак, балки катта маънавий ёрдам бўлади. 627 кишининг ҳар бирини, ҳатто уларнинг ҳаммаси ҳам кўнгиллилар қаторига кирмаса ҳам, биз учун қаҳрамон деб аташ мумкин. Биз барча қозоғистонликларнинг саломатлиги ва хавфсизлигини таъминлашга қўшган шахсий ҳиссалари учун жуда миннатдормиз», - деди институт бош директори Кунсулу Закария.
Эслатиб ўтамиз, 31 июль куни Жаҳон соғлиқни сақлаш ташкилоти (ЖССТ) Қозоғистоннинг «QazCovid-in» коронавирусига қарши инактив вакцинасини клиник синовлар учун номзод вакциналар рўйхатига киритди.
Маҳаллий вакцинанинг клиникадан олдинги синови шу йилнинг 20 августида якунланиб, натижалари Соғлиқни сақлаш вазирлигига тақдим этилиши ҳақида хабар берилган эди. Қозоғистон Республикаси Соғлиқни сақлаш вазирлигидан рухсат олгандан сўнг 2020 йил 20 сентябрда Алмати шаҳридаги клиниканинг базасида организмида COVID-19га қарши антитана бўлмаган 44 нафар кўнгиллида вакинани клиник синаш (I босқич) бошланади.
Муаллиф: Руслан Ғаббасов
