Коронавирус: Яна бир вилоят «яшил» зонага кирди

NUR-SULTAN. Kazinform – ҚР Соғлиқни сақлаш вазирлиги 10 февраль куни эпидемиологик вазиятни баҳолаш матрицасини эълон қилди, деб хабар беради Kazinform.

10 февралдаги эпидемиологик вазиятни баҳолаш матрицасига кўра, Қозоғистоннинг иккита вилояти ва битта шаҳри ҳали ҳам «қизил» зонада. Улар: Ақмола, Павлодар вилояти ва Нур-Султан шаҳри.

«Сариқ» зонага: Қостанай, Шимолий Қозоғистон ва Ғарбий Қозоғистон вилоятлари киради. Илгари «сариқ» зонада бўлган Атирау вилояти «яшил» зонага кирди.

Бошқа барча ҳудудлар «яшил» зонада.

Умуман олганда, Қозоғистон коронавирус тарқалиш хавфи бўйича «яшил» зонада.