Қорғасда 27 июлдан бошлаб юк ташиш нархи ўзгаради
ASTANA. Kazinform - “Қорғас” халқаро чегара ҳамкорлиги маркази раҳбарияти юк ташиш тарифини 1 кг учун 100 тенгегача оширишга қарор қилди.
Чегаравий ҳамкорлик халқаро маркази матбуот хизмати хабарига кўра, шундай қарор “Қорғас” ҳудудида багаж ташиш хизмати кўрсатувчи корхоналарнинг бир неча мурожаатлари асосида қабул қилинган.
“Юкларни қабул қилиш/топшириш хизматлари сифатини ошириш ва сайёҳлар/зиёратчиларга тақдим этилаётган хизматни яхшилаш мақсадида багажни ташиш тарифини 1 кг багаж учун 100 тенгегача оширишга қарор қилинди. Тариф 2024 йил 27 июлдан бошлаб, багаж ташувчилар билан қўшимча шартнома имзолангандан сўнг кучга киради”, - дейилади хабарда.
Айтиш жоизки, ҳозирда юк ташиш нархи 80 тенгени ташкил қилади. Бу Қозоғистон ва Хитой ўртасидаги савдо-иқтисодий ҳамкорликнинг асосий нуқтасидир. Ҳамкорлик марказига кириб-чиқиб келаётган икки давлат саёҳатчилари асосан трансчегаравий туризм ва харид қилиш билан шуғулланади.
Бунгача Қозоғистон-Хитой чегарасидаги “Қорғас” ҳамкорлик маркази 24 соат ишлаши мумкинлиги ҳақида ёзган эдик.
