Конференциялар лигаси: “Астана” бугун “Челси” билан учрашади

ASTANА. Кazinform — Бугун УEФА Конференциялар лигаси умумий босқичининг 5-тури доирасида Қозоғистоннинг “Астана” жамоаси Алмати шаҳрида Англиянинг “Челси” жамоасини қабул қилади. Учрашув Қозоғистон вақти билан соат 20:20 да бошланади ва “Qazsport” телеканали орқали жонли эфирда намойиш этилади.

Бу ўйинда Германиялик ҳакамлар бригадаси хизмат қилади. Бош ҳакам - Свен Яблонски. Ёрдамчи ҳакамлар - унинг ватандошлари Лассе Кословски ва Марко Ахмюллер.

Инглиз клуби бу ўйинга асосан ёшларни жалб этишини маълум қилди.

“Астана” ҳозирча тўрт турдан кейин 4 очкога эга. Турнир жадвалида 23-ўринни эгаллаб турибди. “Челси” эса тўртта ўйинда ҳам ғалаба қозонган ҳолда 12 очко билан биринчи ўринда бормоқда.

“Астана” ўз майдонида Сербиянинг “ТСЦ Баcка-Топола” жамоасини мағлуб этди (1:0), Португалиянинг “Витория”си билан дуранг ўйнади (1:1). Майдонда Уэльснинг «Нью-Сейнтс» (0:2), Кипрнинг «Пафос» (0:1) жамоаларига имкониятни бой берди.

“Челси” умумий босқич тўрт турида Бельгиянинг “Гент” (4:2), Грециянинг “Панатинаикос” (4:1), Арманистоннинг “Ноа” (8:0) ва Германиянинг “Хайденхайм” (2:0) жамоаларини мағлуб этди.

Эслатиб ўтамиз, умумий босқичнинг энг яхши 24 жамоаси Конференциялар лигасининг плей-офф босқичига йўлланма олади.

“Челси” жамоаси Алматига учиб келди.