Клублар ўртасидаги ЖЧ: Гарри Кейннинг иккита голи “Бавария”ни чорак финалга олиб чиқди

ASTANА. Кazinform - 29 июндан 30 июнга ўтар кечаси Германиянинг “Бавария” жамоаси клублар ўртасидаги жаҳон чемпионатининг чорак финалига йўл олди.

Германия терма жамоаси 1/8 финалда Бразилиянинг “Фламенго” жамоаси билан куч синашди.

Ўйин давомида Бразилия клуби футболчиси Эрик Пульгар 6-дақиқада автогол муаллифи бўлди, 10-дақиқада Гарри Кейн “Бавария”нинг устунлигини оширди.

Шундан сўнг, "Фламенго" футболчиси Жерсон 33-дақиқада ҳисобни қисқартирган бўлса, немис жамоасидан Леон Горецка ўз голи билан ажралиб турди.54-дақиқада Жоржиньо пенальтини голга айлантирган бўлса, 73-дақиқада Гарри Кейн ўйиндаги ҳисобга нуқта қўйди.

Шу тариқа, “Бавария” рақибини 4:2 ҳисобида мағлуб этиб, чорак финалга йўлланмани қўлга киритди. Энди улар 5 июль куни мусобақанинг ушбу босқичида Франциянинг “Пари Сен-Жермен” клубига қарши баҳс олиб боради.

Энди 30 июнь куни “Интер” (Италия) ва “Флуминенсе” (Бразилия), 1 июль куни “Реал Мадрид” (Испания) ва “Ювентус” (Италия), “Ал-Ҳилол” (Саудия Арабистони) ва “Манчестер Сити” (Англия) жамоалари ўзаро баҳс олиб боради.

2 июль куни “Боруссия Дортмунд ” (Германия) ва “Монтеррей” (Мексика) жамоалари ўзаро куч синашади.

Ҳозирча “Палмейрас” (Бразилия) ва “Челси” чорак финалга йўлланма олди.

Эслатиб ўтамиз, клублар ўртасидаги ЖЧ да “Ювентус” ва “Манчестер Сити” 1/8 финалга чиққани ҳақида хабар берган эдик.