Клублар ўртасидаги ЖЧ: “Челси” 1/8 финалга чиқди

ASTANА. Kazinform — Клублар ўртасидаги жаҳон чемпионатининг 1/8 финал босқичига Англиянинг “Челси” жамоаси йўлланма олди.

Айни вақтда D гуруҳидан жой олган инглиз клуби 3-турда Мисрнинг “Эсперанс” жамоасига қарши баҳс олиб борди. Дастлабки икки ўйинда бор-йўғи уч очко қўлга киритган улар учун бу учрашувда ғалаба қозониш муҳим эди. Натижада ўйин давомида инглиз клуби рақиб дарвозасига жавобсиз учта тўп киритди. Голларни Тосин Адарабиойо, Лиам Делап, Тайрик Жорж ўз ҳисобига ёзди.

Шу тариқа, улар рақибини 3:0 ҳисобида мағлуб этиб, ўз гуруҳида иккинчи ўринни эгаллашди.

Ушбу гуруҳда биринчи ўринни эгаллаган Бразилиянинг “Фламенго” жамоаси учинчи турда Американинг “Лос-Анжелес” клуби билан 1:1 ҳисобида дуранг ўйнади.

Энди мусобақанинг навбатдаги босқичида “Фламенго” ва “Челси” жамоалари куч синашади.

С гуруҳида Португалиянинг “Бенфика” жамоаси Германиянинг “Бавария” жамоасини 1:0 ҳисобида мағлуб этган бўлса, “Окленд Сити” (Янги Зеландия) ва “Бока Хуниорс” (Аргентина) 1:1 ҳисобида дуранг билан кифояланди.

Бу гуруҳдан “Бавария” ва “Бенфика” мусобақанинг кейинги босқичига йўл олди.

Гуруҳ босқичи ўйинлари давом этади. Бугун яшил майдонга E ва F гуруҳлари жамоалари чиқади.

Эслатиб ўтамиз, аввалроқ клублар ўртасидаги жаҳон чемпионатида «Пари Сен-Жермен» 1/8 финалга йўл олгани ҳақида хабар берган эдик.