Клублар ўртасидаги ЖЧ: “Ал-Ҳилол” “Манчестер Сити”ни мағлуб этиб, чорак финалга чиқди

ASTANА. Kazinform — Клублар ўртасидаги жаҳон чемпионатининг чорак финалига йўлланма олган яна икки жамоа номи маълум бўлди.

Мусобақанинг 1/8 финалида Англиянинг “Манчестер Сити” жамоаси Саудия Арабистонининг “Ал-Ҳилол” клуби билан учрашди.

Мухлислар инглиз клуби ўйинда ғалаба қозонишини олдиндан башорат қилган эди. Шунга қарамай, араб жамоаси муносиб қаршилик кўрсатди. У тажрибали рақибини мағлуб этиб, чорак финалга йўл олди.

Учрашув давомида “Манчестер Сити” сафида Бернарду Силва (9), Эрлинг Холанд (55) ва Фил Фоден (104), “Ал-Ҳилол” сафида Маркос Леонардо (46,112), Малком (52) ва Калиду Кулибали (94) гол уришди.

Шу тариқа, “Манчестер Сити” рақибига 3:4 ҳисобида имкониятни бой бериб, мусобақадан чиқиб кетди.

Айни пайтда Италиянинг “Интер” клуби Бразилиянинг “Флуминенсе” клубига 0:2 ҳисобида имкониятни бой берди. Ушбу ўйинда Херман Кано Бразилия клуби сафида 3 та гол урган бўлса, Эркулес Перейра до Насименту 90-дақиқада рақиб дарвозасини ишғол қилди.

Энди 1/8 финалда, 1 июлдан 2 июлга ўтар кечаси "Реал Мадрид" (Испания) ва "Ювентус" (Италия), "Боруссия Дортмунд" (Германия) ва “Монтеррей” (Мексика) жамоалари куч синашади.

Эслатиб ўтамиз, ҳозирча “Палмейрас” (Бразилия), “Челси” (Англия), “Бавария” (Германия) ва “ПСЖ” (Франция) клублари чорак финалга йўлланма олганди.