Қишки Универсиада: Икки нафар қозоғистонлик фигурали учувчи эркин дастурга йўлланма олди

ASTANA. Kazinform - АҚШнинг Лейк-Плэсид шаҳрида бўлиб ўтаётган 2023 йилги қишки Универсиадада фигурали учиш бўйича эркаклар ўртасидаги қисқа дастур бўйича икки қозоғистонлик спортчи маҳоратларини намойиш қилди, деб хабар бермоқда Kazinform мухбири.

Мусобақа давомида терма жамоа аъзоси Михаил Шайдоров қисқа дастур бўйича 75,05 балл тўплаб, олтинчи ўринни эгаллади. Яна бир қозоғистонлик спортчи Диас Жиренбаев 60,89 балл билан 16-ўринни эгаллади.

Шундай қилиб, уларнинг иккаласи ҳам эркин дастур мусобақаларида қатнашиш имконига эга бўлди.

Қисқа дастурда учта япониялик спортчи Сота Ямамото (101,32), Тацуя Цубои (84,48) ва Шун Сато (84,43) кучли учликни эгаллашди.

Муаллиф: Адилжан Умбет