Қирғизистонга қайси мамлакатлардан кўп сайёҳ келяпти
Қирғизистон Туризмни ривожлантириш жамғармаси маълумотига кўра, охирги 6 йилда чет эллик сайёҳлар оқими сақланиб қолди: умумий миқдорнинг 95 фоизидан кўпи Марказий Осиё давлатлари ва Россия ҳисобига тўғри келмоқда, деб ёзади UzA.
Юқори учлик – Ўзбекистон, Қозоғистон ва Россия. Шунингдек, МДҲ, Араб ва Европа давлатлари, Жануби-шарқий Осиё мамлакатлари ва Америкадан келаётганлар сони ҳам изчил ортмоқда.
Жаҳон туризм кенгаши ҳисоботида Қирғизистон дунёдаги энг тез ривожланаётган сайёҳлик йўналишларидан бири сифатида қайд этилиб, ўсиш йилига 8,2 фоизни ташкил этгани таъкидланган. Қолаверса, республика Жаҳон иқтисодий форуми (WЕҒ) таҳлилий гуруҳи 140 давлат иштирокида тузган сектор рақобатбардошлиги индексига кўра, 116-ўриндан 90-поғонага кўтарилган. Дунёдаги энг меҳмондўст мамлакатлар йиллик интер фаол рейтингида 199 давлат орасида 53-ўринни эгаллаган.
