Қирғизистонда Қамчи Кўлбоевнинг уюшган жиноий гуруҳига тегишли бўлган ер майдони Қоракўл табиат боғи балансига қайтарилди
ASTANA. Kazinform - Қамчи Асанбек (Кўлбоев) уюшган жиноий гуруҳи томонидан ноқонуний йўллар билан қўлга киритилган ер майдони Қоракўл давлат табиат боғи балансига қайтарилди, дея хабар беради Kazinform Қирғизистон Республикаси Миллий хавфсизлик давлат қўмитасига таяниб.
Қўмита маълумотларига кўра, Қ.Асанбекнинг уюшган жиноий гуруҳи томонидан ноқонуний йўл билан олинган даромадларни легаллаштиришга доир жиноят иши доирасида бозор қиймати қарийб 10 миллион сом (50 миллион тенгедан ортиқ- таҳририят эслатмаси) бўлган Қоракўл тоғ-чанғи курорти яқинидаги нуфузли ҳудудда жойлашган 2 гектар ер участкаси Қоракўл давлат табиат боғи балансига қайтарилди.
Мазкур ер участкасида уюшган жиноий гуруҳга катта миқдорда маблағ олиб келадиган чанғи туристик базасини қуриш режалаштирилган.
Эслатиб ўтамиз, ўтган йилнинг октябрь ойи бошида Қирғизистон Республикаси Миллий хавфсизлик давлат қўмитаси ходимларига қуролли қаршилик кўрсатгани учун Қамчи Асанбек (Қамчибек Кўлбоев)йўқ қилинган эди.
