Қирғизистонда икки кунлик Халқ қурултойи бошланди
Бишкекда Қирғизистон Республикаси Президенти Садир Жапаров иштирокида икки кунлик Халқ қурултойи бошланди, деб хабар беради Каzinform.
Унда 700 нафар делегат, жумладан, республиканинг барча вилоятларидан 640 нафар, турли миллат вакилларидан 30 нафар, хорижий меҳнат муҳожирларидан 30 нафар, шунингдек, Жогорку Кенеш депутатлари, Вазирлар Маҳкамаси аъзолари, давлат органлари ва маҳаллий ўзини ўзи бошқариш органлари вакиллари иштирок этмоқда.
Қирғизистон Республикаси Президенти Садир Жапаров иккинчи Халқ қурултойи иштирокчиларига мурожаат қилиб, Қурултой очиқлик ва масъулиятни таъминловчи, ҳар бир фуқарога давлат тараққиётида иштирок этиш имконини берувчи қудратли восита сифатидаги муҳимлигини таъкидлади.
“Халқ қурултойи давлат бошқаруви фаолиятининг шаффофлиги ва ҳисобдорлигини таъминловчи қудратли воситадир. Халқ қурултойи қарашлар ва фикрлар хилма-хиллиги туфайли давлат аҳамиятига молик долзарб масалаларни муҳокама қилиш, ислоҳотларни илгари суриш бўйича қўшма таклифлар ишлаб чиқиш имконини беради. Халқ қурултойининг мулоқот воситаси сифатидаги фаолиятининг самарадорлиги ҳокимият томонидан кўтарилган масалаларга, у ерда билдирилган фикр-мулоҳазага қанчалик эътибор қаратилаётганига боғлиқ.
Ўйлайманки, бугунги умумреспублика йиғилишида барча маъмурий туман ва шаҳарлардан, диний ташкилотлардан, халқ орасидан танлов асосида саралаб олинган, жамият ҳаётидаги муаммолардан хабардор, бу борада ўз нуқтаи назарига эга бўлган меҳнат муҳожирлари иштирок этмоқда.
Фурсатдан фойдаланиб, Халқ қурултойига юрт равнақига ҳисса қўшиш, ўз фикр-мулоҳазаларини билдириш ниятида келган юртдошларимга ўз ҳурмат ва миннатдорчилигимни билдираман. Конституциянинг ўрни ва ролига жиддий аҳамият бериш демократиямиз талабидир. Бу ҳар бир фуқарога давлатнинг шаклланиши ва ривожланишида иштирок этиш имконини берувчи механизмдир. Бу механизм йиллар давомида такомиллаштирилишига ишонаман. Биз авлоддан-авлодга ўтиб келаётган муҳим муассасадан фойдаланишни бошлаганимиздан, халқимизнинг овози эшитилаётганидан фахрланаман”, – деди Қирғизистон Республикаси Президенти С.Жапаров.
Қирғизистон раҳбари ўтган йили қабул қилинган Халқ қурултойи резолюциясига мувофиқ амалга оширилган ишлар натижалари ҳақида ҳисобот берди. 3182 банддан иборат чора-тадбирлар режасининг 68 таси суд-ҳуқуқ, 1548 таси ижтимоий-иқтисодий, 313 таси ер, 1253 таси турли иқтисодий масалаларга тегишли. Улардан 358 таси амалга оширилган, 2200 таси амалга ошириш босқичида, 523 таси белгиланган муддатда бажарилмагани таъкидланди.
Мухбирга Ош вилояти, Қорасу тумани, Қизил-Қиштак туманидан келган делегат Дилмурод Раҳмоновнинг айтишича, долзарб масалалар кўтарилаётган мазкур йиғилишда кетма-кет иккинчи йил иштирок этмоқда. Унинг фикрича, бу тадбир халқ ва давлат раҳбари муносабатларини янада яқинлаштириш воситасидир. У ўз сайлов округи аҳолиси номидан йиллар давомида ҳал этилмаган муаммоларни кўтаришни режалаштирган.
“Таъсис йиғилишида собиқ Тюлюкен шифохонаси негизида терапия бўлими ва болалар бўлими қуриш билан боғлиқ долзарб масалаларни муҳокама қилишни режалаштирганман. Туманимиз аҳолиси 50 минг киши бўлиб, беморлар сони ҳам шунга яраша кўп. Иккинчи муаммо – келажакда демографик ўсишни ҳисобга олган ҳолда туманда қўшимча мактаблар қуриш. Қурилиш ташкилотлари кўп қаватли уйлардан ташқари коммунал ва ижтимоий инфратузилмаларни қуришга мажбур бўлиши ва бу ишни маҳаллий ҳокимият ихтиёрига қолдирмаслиги керак. Таълим муассасаларида ўрин етишмовчилиги йилдан-йилга ортиб бораётган Сура-таш, Коммунист, Андижан, Ишкаван қишлоқларида мактаб қуриш зарур. Учинчи масала мамлакатдаги маъмурий-ҳудудий ислоҳот билан боғлиқ бўлиб, Қизил-Қиштак қишлоқ кенгаши аҳолиси Ош шаҳрига қўшилишдан бош тортди. Шу муносабат билан улар президентдан халқ фикрига эътибор беришни, халқ учун қарор қабул қилмасликни сўрамоқда. Ош шаҳрига қўшиб олинган тақдирда, вилоят аҳолиси ўз ҳудуди инфратузилмасини ривожлантириш учун бюджет маблағлари етишмаслиги билан бирга, ўз ерларидан маҳрум бўлишдан қўрқишади. Одамларнинг қўрқувини тўғри тушуниш ва сиёсий босимсиз биргаликда ҳал қилиш керак”, – дея хулоса қилди делегат.
Шунингдек, Д.Раҳмонов мазкур йиғилишнинг натижаси давлат органларининг ҳаракатларига боғлиқ бўлишини айтди.
Эслатиб ўтамиз, Қирғизистонда 15-16 декабрь кунлари Халқ қурултойи бўлиб ўтади ва иккинчи кун якунлари бўйича қарор қабул қилиниши режалаштирилган.
