Қирғизистонда электр энергияси тарифи оширилади

BISHKEK. Kazinform – 1 майдан Қирғизистонда аҳоли учун электр энергияси нархи 0,77 тийиндан 1 сомга ошади. Тегишли қарорни Қирғизистон Республикаси Вазирлар Кабинети имзолади, деб хабар беради Kazinform мухбири.

Ҳужжатга кўра, электр энергияси истеъмоли 700 кВт/соатдан ошганда 1 кВт/соатнинг нархи бир хил даражада – 2,16 сом/кВт, эҳтиёжманд оилалар ва фуқаролар учун тариф ўзгаришсиз – 50 тийин, чекланмаган истеъмол нархи ( қувват чекловисиз) 5,04 сом/кВт/соатдан 3,28 сом/кВт/соатгача пасайтирилди.

Тарифларни ўзгартириш чора-тадбирлари мамлакатнинг энергетик хавфсизлигини таъминлаш, истеъмолнинг кучли ўсиши шароитида аҳолини электр энергияси билан узлуксиз таъминлаш, шунингдек, эскирган ускуналарни модернизация қилишга қаратилган.

Қирғизистонда электр энергияси нархи МДҲ давлатлари орасида энг арзон нархлардан бири ҳисобланади. Ички электр энергияси истеъмолининг йиллик ўсиши билан мамлакат етишмаётган миқдорни қўшни давлатлардан импорт қилишга мажбур.

Муаллиф: Гулмира Абдраҳманова