Қирғизистон энергетика ходимлари аҳолини электр энергиясини тежашга чақирмоқда

BISHKEK. Kazinform - Қирғизистон пойтахти Бишкек шаҳри ва Шу вилояти аҳолисига электр узатиш линиялари максимал юкланган вақтда электр энергияси истеъмолини камайтириш тавсия этилди, деб хабар бермоқда Kazinform мамлакат Миллий энергетика холдингига таяниб.

Шу электр тармоқлари корхонаси маълумотларига кўра, 21 октябр ҳолатига кўра, Бишкек шаҳрида бир суткада электр энергияси истеъмоли 9,6 миллион киловатт/соатга етади, режалаштирилган кўрсаткич эса 6,8 миллион киловатт/соат. Шу вилоятида режа бўйича 7,06 миллион кВт электр энергияси истеъмол қилиниши кўзда тутилган бўлса, амалда бу рақам 8,2 миллионга етди.

Электр энергияси истеъмолининг ўсиши электр тармоқлари ва қурилмаларидаги юкни оширмоқда, бу айниқса энг юқори соатларда сезилади. Фавқулодда вазиятларда электр таъминотида узилишлар бўлмаслиги ва электр қурилмаларига шикаст етказмаслик мақсадида энергетика мутахассислари аҳолига соат 7:00 дан 9:00 гача ва 19:00 дан 21:00 гача электр иситиш мосламаларини ёқмасликни тавсия қилди.

Фото: artsakhpress.am