Кипр Қозоғистонда элчихона очишни режалаштирмоқда
ASTANA. Kazinform – Кипр Республикаси Қозоғистонда элчихона очиш ташаббуси билан чиқди. Бу ҳақда ҚР Ташқи ишлар вазири Мурат Нуртилеунинг Кипр Республикаси Ташқи ишлар вазирлиги раҳбари Константинос Комбос билан учрашувида маълум қилинди, деб хабар беради Ақорда матбуот хизмати.
Мурат Нуртилеу Қозоғистон томони Кипр элчихонасининг Қозоғистонда очилиши учун зарур ёрдам кўрсатишга тайёрлигини билдирди.
“Биз Кипр Республикасининг Астанада элчихона очиш ташаббусини юқори баҳолаймиз. Қозоғистон Ҳукумати дипломатик ваколатхона очилишини қўллаб-қувватлашга тайёр. Икки давлат расмийлари ўзаро ташриф буюришлари жуда муҳим. Бу Қозоғистон ва Кипр сиёсий муносабатларини янги босқичга кўтаради”, – деди М.Нуртилеу.
Унинг айтишича, давлат, ҳукумат, вазирлик ва парламентлар раҳбарлари даражасидаги делегацияларга тез-тез ташриф буюриш учун барча шароит мавжуд.
Унинг сўзларига кўра, 2023 йилда Қозоғистон ва Кипр биринчи марта ташқи ишлар вазирликлари даражасида сиёсий маслаҳатлашувлар ўтказган.
