Кэш Пател АҚШ Федерал тергов бюросига раҳбарлик қилади

ASTANА. Кazinform — АҚШ Конгресси Сенати Кэш Пател номзодини АҚШ Федерал қидирув бюроси (ФТБ) директори лавозимига тасдиқлади, дея хабар беради ТАСС.

Овоз беришни C-SPAN телеканли намойиш этди.

51 сенатор АҚШ президенти Дональд Трампнинг ФТБ директорлигига номзодини қўллаб-қувватлаган бўлса, 49 нафар қонунчи бунга қарши чиқди. Аввалроқ Пател АҚШ Конгрессининг юқори палатасида яна бир процессуал овоз беришда ғалаба қозонган эди. Тез орада у қасамёд қилади.

Пателнинг номзоди 10 йиллик муддатга тасдиқланди. The Washington Post газетасининг қайд этишича, ФТБнинг уч собиқ директори номзоди камида 92 нафар қонунчи томонидан қўллаб-қувватланган ҳолда Сенатда маъқулланган.

13 февраль куни АҚШ Сенатининг қонунчилик қўмитаси Пателнинг ушбу лавозимга номзодини тасдиқлаш учун овоз берди. АҚШнинг амалдаги президенти Трамп 2024 йил ноябри охирида Пателни ФТБ директори лавозимига номзод қилиб кўрсатган эди.

АҚШ Сенати қонунчилик қўмитасида бўлиб ўтган тингловда Пател АҚШ Адлия вазирлиги ва ФТБда қонун устуворлигини тиклаш истагини таъкидлади. Шунингдек, у бир қатор одамларга, жумладан Трампни танқид қилганларга нисбатан қонуний чоралар кўришга тайёрлигини билдирди.

Эслатиб ўтамиз, аввалроқ Пентагонга ҳарбий бюджетни қисқартириш буюрилгани ҳақида хабар берган эдик.