Кентуккидаги ҳалокатли сув тошқини, қурбонлар бор
ASTANA. Kazinform - Кентукки штатида одамлар тез кўтарилган сувлар остида қолиб кетишди. Мингдан ортиқ қутқарув операцияси ўтказилди, саккиз кишининг ўлими тасдиқланди, деб хабар беради Kazinform мухбири NBC Newsга таяниб.
Ўлим ҳолатлари Харт, Пайк ва Клей каби бир қанча округларда қайд этилган. 40 мингга яқин аҳоли электр энергиясисиз қолди, 9800 киши ичимлик сувсиз қолди, 26 минг кишига сувни қайнатиш тавсия этилди.
Кентукки губернатори якшанба куни Президент Дональд Трамп унинг табиий офатларга ёрдам бериш учун маблағ сўровини маъқуллаганини айтди.
"Бу камида охирги ўн йилликда дуч келган энг оғир об-ҳаво ҳодисаларидан бири", - деди якшанба куни Кентукки губернатори Энди Бешир.
Кентукки штатининг 2150 га яқин аҳолиси бўлган Биттивил шаҳри эвакуация қилинди, деди Ли округи судьяси Стив Мейс.
Кентукки штатидаги автомобиллар ва биноларни сув босди, Виржиния штатида эса кўчкилар йўлларни тўсиб қўйди. Иккала штат ҳам, Теннесси ва Арканзас билан бирга сув тошқини ҳақида огоҳлантирилди.
Эслатиб ўтамиз, аввалроқ Бразилияда 96 киши ҳалок бўлган йирик сув тошқини ҳақида хабар берилган эди.
