“Қазгидромет” яқин уч кунлик об-ҳаво маълумотларини эълон қилди

ASTANА. Кazinform – “Қазгидромет” 17—19 июль кунлари учун об-ҳаво маълумотларини эълон қилди.

Корхона маълумотларига кўра, Қозоғистон ҳудудининг аксарият қисмида атмосферанинг фронтал қисмлари ўтиши муносабати билан кун давомида ёмғир ёғиб, момақалдироқ бўлиши мумкин.

17 июлда — ғарбда, 18 июлда — шимоли-ғарбда, 18—19 июлда — шимолда, 19 июлда — республика марказида кучли ёмғир, дўл ёғиб, момақалдироқ бўлиши мумкин. Республика бўйлаб шамол тезлиги кучаяди.

Яқин кунларда ҳаво ҳарорати мамлакатнинг ғарби ва жануби-ғарбида 41–44°, жануби-шарқида 42–43° иссиқ бўлади. 17 июлда ҳаво ҳарорати шимоли-ғарбда, 18 июлда республика марказида 40° гача иссиқ бўлади. 18–19 июль кунлари мамлакат жанубида ҳаво ҳарорати 45–46° гача иссиқ бўлади.

Шимолий ҳудудларда ҳаво ҳарорати кечаси 8–18° гача, кундузи 17–25° гача пасаяди.

Эслатиб ўтамиз, аввалроқ 16–17 июль кунлари учун об-ҳаво маълумотларини эълон қилган эдик.