Қайси фойдали қазилмаларда геология-қидирув ишларини олиб бориш керак - вазир
ASTANA. Kazinform - Мис, рух, қўрғошин ва алюминий заҳираларини чуқур геологик-қидирув ишларини олиб бориш зарур. Бу ҳақда Ҳукумат йиғилишида ҚР Саноат ва қурилиш вазири Қанат Шарлапаев маълум қилди.
“Республика минерал-хомашё базасида 987 та қаттиқ фойдали қазилма конлари рўйхатга олинган. Охирги 30 йил ичида темир, марганец, олтин, уран, нефть ва газ заҳираларининг ортиши кузатилди. Масалан, олтин заҳираларининг нисбати 1,2 ни ташкил қилади. Демак, ишлаб чиқарилган бир тонна олтин ўрнига 1,2 тонна олтин захираси тўлдирилмоқда. Мис, рух, қўрғошин, алюминий заҳираларини чуқур геологик қидирув ишларини олиб бориш зарур. Масалан, миснинг заҳиралари нисбати 0,7 га тенг. Айни пайтда миснинг истиқболли ҳудудлари фаол равишда ўрганилмоқда”, - деди вазир.
Унинг таъкидлашича, геология ва ер қаъридан фойдаланиш соҳаларида шаффофликни таъминлаш мақсадида қонунчилик ва институционал ислоҳотлар амалга оширилиб, 2018 йилда янги кодекс қабул қилинган. Ислоҳотлар доирасида бутун мамлакат ҳудудига геология-қидирув ишларини олиб бориш имконияти очилди. Геология-қидирув ишлари лицензиясини аризасини биринчи бўлиб топширган инвесторга бериш тартиби жорий этилди. 2018 йилдан буён 2906 та қидирув ва 111 та қазиб олиш лицензиялари берилди.
“2023 йилда 1991 йилга нисбатан ер қаъридан фойдаланиш ҳуқуқи олти баробар кўп берилди. Шундай қилиб, геология соҳасига 1 миллиард долларлик хусусий инвестициялар жалб этилди. Бундан ташқари, жорий йил 1 январдан бошлаб қаттиқ фойдали қазилмалар захиралари CRIRSCO халқаро тизими бўйича KazRC стандартига ўтказилди. Жорий йилнинг 11 ойида 58 та қаттиқ фойдали қазилма конлари бўйича KazRC стандарти бўйича геологик ҳисоботлар қабул қилинди”, - деди Қанат Шарлапаев.
