Қасим-Жомарт Тоқаев Ўзбекистон Президенти билан телефон орқали мулоқот қилди
Суҳбат чоғида Давлат раҳбари Қасим-Жомарт Тоқаев Президент Шавкат Мирзиёевни Ўзбекистон Республикаси Конституциясига ўзгартиришлар киритиш бўйича умумхалқ референдуми муваффақиятли ўтгани билан табриклади.
Қасим-Жомарт Тоқаев умумхалқ сайлови натижаси ўзбек халқининг Президент Шавкат Мирзиёевнинг стратегик йўналишига бўлган катта ишончи ва қўллаб-қувватланишининг исботи эканини таъкидлади.
Қозоғистон ва Ўзбекистон президентлари икки давлат ўртасидаги стратегик шериклик ва ҳамкорликни мустаҳкамлаш ниятида эканликларини яна бир бор тасдиқладилар.
Давлат раҳбарлари Қозоғистон-Ўзбекистон муносабатлари жадал ривожланаётганини қайд этиб, аввал эришилган келишувларни амалга ошириш масаласини муҳокама қилдилар.
Президентлар келгусида амалга оширилиши режалаштирилган тадбирлар жадвалини ҳам кўриб чиқдилар.
