Қасим-Жомарт Тоқаев ва Гурбангули Бердимуҳамедов саноат кўргазмасига ташриф буюришди
ASTANA. Kazinform - Қозоғистон Президенти ва Туркманистон Халқ Маслаҳати раиси SPK Turkistan саноат паркига ташриф буюрди, деб хабар беради Ақорда матбуот хизмати.
Айни пайтда бу ерда умумий қиймати 36,5 миллиард тенге бўлган 6 та инвестиция лойиҳаси амалга оширилмоқда. Спинклер ва томчилатиб суғориш тизимлари, қишлоқ хўжалиги тракторлари, таълим ва тиббиёт муассасалари учун мебеллар, эшиклар, саноат музлатгичлари ишлаб чиқариш йўлга қўйилди.
Саноат паркини ривожлантиришнинг навбатдаги босқичида 70 гектар майдонда 112 та бино қуриш, шунингдек, умумий қиймати 39,7 миллиард тенгелик 13 та янги лойиҳани ишга тушириш режалаштирилган.
Қасим-Жомарт Тоқаев ва Гурбангули Бердимуҳамедов космик соҳа, машинасозлик, металлургия, қурилиш саноати, енгил, озиқ-овқат ва кимё саноатида фаолият юритаётган Қозоғистон ишлаб чиқарувчилари кўргазмасини томоша қилди.
Экспозицияда мамлакатимиз корхоналарида ишлаб чиқарилаётган автомобиллар, қишлоқ хўжалиги техникаси, маиший техника, тиббиёт буюмлари, саноат аккумуляторлари, мебел, тўқимачилик, кийим-кечак ва бошқа кўплаб турдаги маҳсулотлар ўрин олган.
Аввалроқ Қасим-Жомарт Тоқаев Гурбангули Бердимуҳамедов билан норасмий учрашув ўтказгани ҳақида ёзган эдик.
