Қасим-Жомарт Тоқаев Туркия Президенти билан телефон орқали мулоқот қилди

ASTANA. Kazinform – Қасим-Жомарт Тоқаев Режеп Таййип Эрдоғанни туғилган куни билан табриклаб, турк халқи фаровонлиги йўлидаги масъулиятли давлат хизматида улкан муваффақиятлар тилади.

Суҳбат чоғида давлат раҳбарлари Қозоғистон-Туркия ўртасидаги кенгайтирилган стратегик шериклик муносабатлари юқори суръатда бораётганини қайд этиб, икки томонлама муносабатларни янада мустаҳкамлаш истиқболларини муҳокама қилдилар.

Қасим-Жомарт Тоқаев ва Режеп Таййип Эрдоған Рамазон ҳайити арафасида икки давлатнинг қардош халқларига тинчлик ва фаровонлик тилади.

Эслатиб ўтамиз, бунгача ҚР Президенти Бош вазирга иқтисодиётни диверсификация қилиш бўйича кўрсатмалар бергани ҳақида ёзган эдик.