Қасим-Жомарт Тоқаев тиббиёт ходимларини касб байрамлари билан табриклади

ASTANA. Kazinform – Давлат раҳбари мамлакат тиббиёт ходимларини касб байрами билан табриклади, дея хабар беради Kazinform ҚР Соғлиқни сақлаш вазирлиги расмий сайтига таяниб.

«Ҳурматли тиббиёт ходимлари!

Барчангизни касб байрамлари билан чин қалбимдан табриклайман!

Сизлар халқ саломатлигини мустаҳкамлаш, миллат сифатини оширишга улкан ҳисса қўшиб келмоқдасиз. Қозоғистонда тиббиёт мутахассисларининг мавқеи ва обрўсини ошириш учун ҳамма нарса қилинмоқда. Давлатимиз томонидан соғлиқни сақлаш соҳасига ҳамиша алоҳида эътибор қаратилмоқда. Кўплаб замонавий даволаниш иншоотлари барпо этилаётгани, малакали мутахассислар тайёрлаш учун ажратилаётган грантлар кўпайгани, соҳа ходимлари ижтимоий қўллаб-қувватланаётгани бунинг ёрқин далилидир. Буларнинг барчаси пировардида соғлом жамият шаклланишига хизмат қилади.

Сизлар оғир дамларда ўз вазифангизни шараф билан бажардингиз, юрт ишончини оқлай олдингиз. Барчангизга машаққатли меҳнатингиз учун чин дилдан миннатдорчилик билдираман.

Сизларга сиҳат-саломатлик ва фаровонлик тилайман!», - дейилади Президент табригида.